Velta í dagvöruverslun jókst um 0,4% á föstu verðlagi í desember miðað við sama mánuð í fyrra og jókst um 6,5% á breytilegu verðlagi. Leiðrétt fyrir árstíðabundnum þáttum jókst velta dagvöruverslana í desember um 0,7% frá sama mánuði í fyrra. Verð á dagvöru hefur hækkað um 6,1% á síðastliðnum 12 mánuðum.

Öll fréttin...

Á metsölulista vikunnar í lok ársins var í fyrsta sætinu bók Yrsu Sigurðardóttur Brakið.  Í öðru sæti var bók Arnaldar Indriðasonar Einvígið og í þriðja sæti var matreiðslubókin Matreiðslubók Latabæjar eftir höfundinn Magnús Scheving. 10 efstu bækurnar voru um 19% af heildarsölu tímabilsins. Mest var keypt af fræðibókum eða um 33%. Að þessu sinni fylgir greining af seldum bókum ársins 2011. Sjá Grapf fyrir neðan. Metsölulistinn verður birtur framvegis á 14 daga fresti og byggir hann á upplýsingum frá flestum bókaverslunum, stórmörkuðum, bensínstöðvum landsins o.fl. sem selja bækur. Sjá bóksölulistann hér 

Nú sló bók Yrsu Sigurðardóttur Brakið bók Arnaldar Einvígið út af árslistanum og vermdi hún einnig toppsætið á vikulistanum. Í öðru sæti var bók Arnaldar Indriðasonar Einvígið og í þriðja sæti var ærslafulla sænska skáldsagan Gamlinginn sem skreið út um gluggann og hvarf eftir Jonas Jonasson. 10 efstu bækurnar voru um 28% af heildarsölu tímabilsins. Mest var keypt af barna- og unglingabókum eða um 30%. Sjá Grapf fyrir neðan. Metsölulistinn verður birtur framvegis á 14 daga fresti og byggir hann á upplýsingum frá flestum bókaverslunum, stórmörkuðum, bensínstöðvum landsins o.fl. sem selja bækur. Sjá bóksölulistann hér

Rannsóknasetur verslunarinnar gerði í dag stutta könnun á jólaversluninni hjá nokkrum af stærstu smásöluverslunum landsins. Leitað var upplýsinga um veltu verslananna frá 1. til 21. desember síðastliðinn og veltu á sama tímabili fyrir ári. Leitað var upplýsinga um veltu í dagvöruverslunum, fataverslunum og raftækjaverslunum.