Kortavelta erlendra ferðamanna ennþá í frosti

Líkt og undanfarna mánuði hefur kortavelta erlendra ferðamanna mátt muna fífil sinn fegurri. Eftir að sóttvarnaraðgerðir á landamærum voru hertar í lok ágústmánaðar, var ljóst að ferðamönnum ætti eftir að fækka hratt aftur eftir aðeins líflegra sumar. Í septembermánuði síðastliðnum nam heildarvelta á erlendum kortum 2,4 milljörðum kr. Samdráttur í veltu milli ára í mánuðinum var 89% en 75% samdráttur milli mánaða, veltan í ágúst nam til samanburðar 9,3 milljörðum.

Velta í gistiþjónustu nam 432 milljónum kr. í september og dróst saman um 93% frá fyrra ári. Á sama tíma í fyrra nam velta í gistiþjónustu 5,8 milljörðum kr. Þá dróst velta í flokki veitinga saman um 93% og nam alls 203 milljónum.

Í verslun var svipaða sögu að segja, sem kemur lítið á óvart, en alls veltu erlend kort 838 millj. kr. í verslunum á Íslandi. Stærsti einstaki flokkurinn var í dagvöruverslunum, alls 293,5 millj. kr. eða 73% lægra samanborið við fyrra ár.

Velta í fata-, gjafa- og minjagripaverslunum lækkaði um 88% milli ára og nam alls 155 millj. kr. í september síðastliðnum.

Bandarísk kort voru þau kort sem mest veltu, alls um 564 millj. kr., 92% lægra samanborið við sama tíma í fyrra. Bresk kort komu þar á eftir með 355 millj. kr. og þýsk í kjölfarið með 319 millj. kr. Velta á bresku kortunum dróst saman um 88% og þeim þýsku um 79%. Hlutfallslega var mest lækkun á kínverskum kortum alls 98%, nam velta þeirra 13 milljónir kr.


Recent Posts

See All

Mesta jólaverslun frá upphafi mælinga

Heildarkortavelta vex um tæp 9% Heildarkortavelta Íslendinga hefur aldrei verið hærri en í desember síðastliðnum, alls 83,8 milljarðar sem er aukning um 8,7% frá fyrra ári. Líklegt þykir að miklar tak

Mikil verslun á veirutímum

Aukning hefur orðið á innlendri kortaveltu í verslun milli ára í hverjum mánuði frá því í mars síðastliðnum. Í októbermánuði versluðu Íslendingar vörur fyrir 42 milljarða kr. með kortum sínum og jókst

Shopping Basket

Rannsóknasetur verslunarinnar

Hagtölur og rannsóknir í verslun
SKRÁÐU ÞIG Á PÓSTLISTANN!

© 2020 Rannsóknasetur verslunarinnar

Staðsetning:

  Háskólinn á Bifröst,
  311 Borgarbyggð,

  Sími: 533 3530 

  GSM: 868 4341 eða 868 8825