Hækkandi verð á fiskimjöli og áli

RSV hefur birt vísitölur hrávöruverðs fyrir júnímánuð. Verð á fiskimjöli hefur hækkað um rúm 33% frá júní í fyrra og álverð er tæpum 43% hærra en á sama tíma í fyrra.

Á sama tíma halda nokkrar hrávörur áfram að lækka í verði. Það á meðal annars við um kaffi, kakó, sykur, kókosolíu og appelsínur. Dregið hefur úr verðlækkun á bönunum sem hafa lækkað jafnt og þétt síðustu mánuði. Hrísgrjón hafa hins vegar hækkað nokkuð eftir óvenjulágt verð síðasta árið og nautakjöt heldur áfram að hækka í verði.

Hægt er að skoða þróun verðlags ólíkra hrávara á vef RSV, veltan.is.

Hér má sjá þróun vísitölu hrávöruverðs á fiskimjöli.